Canicule am Club Uewersauer

An, wéi geet et iech? Nach net geschmolt?

Also ech hunn d’Hëtzt jo gär, mee elo géif ech mech net beschwéieren wann ech mat de Féiss am Mier géif sëtzen

Mee bon, ze drénken a gutt Gesellschaft hunn ech jo

An elo zu eisem Abenteuer “Survivor Pommerloch 2026”

Haut ware mir de ganzen Dag am Pommerloch an ech hunn esou vill geléiert, ech kéint bal en Diplom an “Iwwerliewe bei 35 Grad” kréien

Moies ware mir am Fischer. E gudde Kaffi, vill Gespréicher iwwer d’Canicule an natierlech déi üblech bekannt Gesiichter. Bal wéi eng kleng VIP-Party

Mëttes goung et an d’Pizza Hut. Jidderee säi Plat giess wéi wann et keng Hëtzt géif ginn An duerno eng Glace… well bei dësen Temperaturen ass dat jo bal eng medezinesch Noutwennegkeet

No där riseger Ustrengung ware mir komplett fäerdeg. Verschiddener hu sou midd ausgesinn, datt ech kuerz nogekuckt hunn ob se nach Batterien hunn

Duerno stoungen nach d’Apdikt, de Kleederbuttek an de Supermarché um Programm. Ech soen iech: ouni Chariot hätte mir missten den Noutdéngscht uruffen

An natierlech… nach eng Glace!

An dës Kéier souguer spendéiert. Merci Claudine, du hues meng Rettung an dëser tropescher Hëtzt finanzéiert

D’Corinne war och bei eis a war fläisseg un eiser Brochure um schaffen

Wärend mir gekuckt hunn, datt mir net verdampfen

Resultat vum Dag:

1 Kaffi

1 Pizza

327 Glacen (ongeféier)

Vill Gedrénks

14 Liter Schweess verluer

Vill gelaacht

Sou, meng schéi Leit, elo ass Feierowend!

Ech wënschen iech e flotte Owend an e schéine Feierdag muer

A passt gutt op iech op, drénkt genuch Waasser an denkt drun: wann dir haut eng Glace iesst, da maacht dir dat net aus Loscht, mee aus gesondheetleche Grënn!

Äert Rute vum Club Uewersauer